சனி அந்தரத்தில் தொங்கிய அகந்தை!
18-04-2026
2 சாமுவேல் 18:1–18
எப்ரைம் காட்டில் ரத்தக்களரி! வாளைவிடக் காடே அதிக வீரர்களைப் பட்சித்த பயங்கரம் அங்கே அரங்கேறியது. தகப்பனின் அரியணையைப் பறிக்கத் துடித்த அப்சலோம், தோற்றுப்போய் ஒரு கோவேறு கழுதையின் மேல் தப்பி ஓடுகிறான். ஆனால், அவனது கர்வத்தின் முடிவைப் பாருங்கள்! எந்த அழகிய தலைமுடியைக் கண்டு அவன் இத்தனை காலம் பெருமைப்பட்டானோ, அதே முடி ஒரு கர்வாலி மரத்தின் கொப்புகளில் அவனுக்குச் சுருக்கிட்டுக் கொள்கிறது. வாகனம் நழுவ, வானத்திற்கும் பூமிக்குமிடையே அந்தரத்தில் தொங்குகிறான் அந்தத் துரோகி! தாவீதின் கருணைக் கட்டளையை மீறி, இரக்கமற்ற யோவாபின் ஈட்டிகள் அப்சலோமின் இதயத்தைத் துளைக்கின்றன. உலகத்தின் புகழுக்கும் புறம்பான அழகுக்கும் மயங்காதீர்கள்; தேவன் உங்களை உயர்த்தாவிட்டால், உங்கள் பெருமையே உங்களை அந்தரத்தில் தொங்கவிடும்!
ஜெபம்: சர்வவல்லவரே, என் திறமைகளையும் உலக மேன்மைகளையும் கண்டு நான் தற்பெருமை கொள்ளாதபடி என் இருதயத்தைக் காத்துக்கொள்ளும். கர்வமில்லாத நெஞ்சம் வேண்டி என்னை சிலுவையின் நிழலில் தாழ்த்துகிறேன். ஆமென்.