செவ்வாய்                                    புயலின் நடுவே ஒரு நித்திரை!

11-08-2026

யோனா 1:1–17

சர்வவல்லவரின் கட்டளையை உதறிவிட்டு, தர்ஷீசுக்குத் தப்பியோடுகிறான் தீர்க்கதரிசி. கப்பல் உடையும் அபாயம்; அலைகள் ஆர்ப்பரிக்கின்றன. ஆனால் அவனோ கப்பலின் அடித்தட்டில் ஆழ்ந்த உறக்கத்தில்! தேவன் அனுப்பிய அந்த மாபெரும் புயல், அவனைக் கொல்வதற்காக அல்ல; தடம்மாறிய தன் பிள்ளையைத் தன் திட்டத்திற்குள் திருப்புவதற்காக! மனிதன் தன் சுயவிருப்பப்படி ஓடும்போது, சிருஷ்டிகர் அவனைப் பிடித்து நிறுத்தப் புயல்களைப் பயன்படுத்துகிறார். 

யோனாவின் வாழ்க்கையில், அவன் தேவனுடைய சித்தத்திலிருந்து விலகிச் சென்றதை உணர்த்தவும், அவனைத் திருப்பவும் தேவன் அந்தப் புயலைப் பயன்படுத்தினார். நமது வாழ்க்கையிலும் தேவன் தமது வார்த்தையின் மூலமாகவும், மனசாட்சியின் உணர்த்துதலின் மூலமாகவும், பிறருடைய ஆலோசனையின் மூலமாகவும், சில நேரங்களில் கடினமான சூழ்நிலைகளின் மூலமாகவும் நம்மை நிறுத்திச் சிந்திக்க வைக்கலாம். நீ தேவனுடைய சித்தத்திலிருந்து விலகியிருப்பதை உணர்ந்தால், தாமதிக்காமல் அவரிடம் திரும்பிவா. தேவனுடைய திருத்துதல் உன்னை அழிப்பதற்காக அல்ல; உன்னை மீட்டு, மீண்டும் தமது சித்தத்தின் பாதையில் நடத்துவதற்காகவே.

ஜெபம்: கர்த்தாவே, நான் உமது சித்தம் விட்டு விலகும்போது, என்னை நேசப்புயலால் தடுத்து நிறுத்தி உமது உன்னத திட்டத்திற்குள் மீண்டுமாய் வழிநடத்தியருளும். ஆமென்.