திங்கள்                                        கோமேரும் கல்வாரி அன்பும்!

24-08-2026

ஓசியா 1:1–11

சரித்திரத்தில் எந்தத் தீர்க்கதரிசிக்கும் வராத ஒரு அதிர்ச்சியான கட்டளை ஓசியாவுக்கு வருகிறது. “நீ போய் ஒரு வேசியை மனைவியாகக் கொள்!”. தேவனுக்குத் துரோகம் செய்த இஸ்ரவேலின் கொடிய நிலையை, ஓசியாவின் குடும்ப வாழ்க்கை அகிலத்திற்கும் ஒரு உயிரோட்டமான சாட்சியாகப் பறைசாற்றுகிறது. அந்தப் பிள்ளைகளுக்கு ‘இரக்கம் பெறாதவள்’, ‘என் ஜனமல்ல’ என்று பெயர் சூட்டப்படுகிறது. ஆனால், இந்தப் பயங்கரமான நியாயத்தீர்ப்பின் இருளில்தான் மாபெரும் வாக்குத்தத்தம் மின்னலாய் வெடிக்கிறது! “என் ஜனமல்ல என்ற இடத்தில், ஜீவனுள்ள தேவனுடைய பிள்ளைகள் எனப்படுவார்கள்”.

உன் வாழ்வு எத்துணை சீரழிந்து, மற்றவர்களால் புறக்கணிக்கப்பட்டிருந்தாலும் சரி, தேவனுடைய ஈடில்லா அன்பு உன்னை ஒருபோதும் கைவிடாது. உனது அத்தனை துரோகங்களையும் கல்வாரி இரத்தத்தால் கழுவி, உன்னைத் தம் சொந்தப் பிள்ளையாக அரவணைக்க இயேசு இன்றும் காத்திருக்கிறார்!

ஜெபம்: அன்பின் தேவனே, உமக்குத் துரோகம் செய்த பாவியான என்னையும் உமது நிபந்தனையற்ற அன்பால் தேடிவந்து, உமது சொந்தப் பிள்ளையாக அரவணைத்த உமது மாபெரும் கிருபைக்காய் நன்றி. ஆமென்.