செவ்வாய் மன்னிப்பின் வீரம்
21-04-2026
2 சாமுவேல் 19:16-30
யோர்தான் நதிக்கரையில் ஒரு விசித்திரமான காட்சி! நேற்று பழிச்சொற்களை அள்ளி வீசிய சீமேயி, இன்று யோர்தான் கரையில் தாவீதின் பாதத்தில் மண்டியிட்டுக் கிடக்கிறான். அரியணைத் திரும்பியதும் வசவு பாடிய நாவுகள் இன்று புகழ்ச்சி பாடுகின்றன! காலச்சக்கரம் சுழலும் வேகத்தில் மனிதர்கள் எப்படி மாறுகிறார்கள்! மறுபுறம், நகம் களையாமல், அழுக்கு ஆடையுடன் மெவிபோசேத். சீபாவின் நயவஞ்சகப் பேச்சுக்கும், கால்கள் முடமான மகனின் உண்மையான அன்புக்கும் இடையே ஒரு போராட்டம். ஆனால், கோலியாத்தை வீழ்த்திய வாள், இன்று ஒரு கோழையை மன்னிக்கத் துணிகிறது. பழிவாங்கும் கரம் கறைபடும்; மன்னிக்கும் இதயம் கரை சேரும்! மன்னிப்பு பலவீனம் அல்ல; அது மாறாக பெரும் வலிமையின் அடையாளம். கல்லெறிந்தவனை மன்னிப்பது, ஆயுதம் ஏந்தியவனை மீறும் வீரம். தாவீது அதை செய்தான். உங்கள் வாழ்வில் ஒரு சிமேயி இருக்கிறாரா? அவரை மன்னிக்க நேரம் வந்திருக்கலாம். மன்னிப்பது உங்களுக்கு நஷ்டம் இல்லை; அது உங்களையே விடுவிக்கும்.
ஜெபம்: நீதியின் தேவனே, பழிவாங்கும் எண்ணத்தை விட மன்னிக்கும் மேலான சுபாவத்தை என் இதயத்தில் ஊற்றும். வசவு பாடுபவர்களையும் நேசிக்கும் பக்குவத்தை எனக்குத் தந்து, உம் கிருபையின் சாட்சியாக என்னை மாற்றியருளும் . ஆமென்.