திங்கள்                                எருசலேமில் அந்நியன் வாசம்!

18-05-2026

1 இராஜாக்கள் 5:10–18

யெகோவாவின் பிரம்மாண்டமான தேவாலயம் எழும்பப்போகிறது. ஆனால், அதற்கான கேதுரு மரங்கள் எங்கிருந்து வருகின்றன? தீரு தேசத்துப் புறஜாதி மன்னனான ஈராமின் கைகளைத் தேவன் பயன்படுத்துகிறார்! நியாயப்பிரமாணம் அந்நியர்களைத் தீட்டு என்று சொல்லிப் பிரகாரத்திற்கு வெளியே தடுத்து நிறுத்தியது; ஆனால் தேவனோ, தம்முடைய சந்நிதியை நிர்மாணிக்க அதே அந்நியர்களின் வியர்வையையே தெரிந்துகொண்டார்! சட்டத்தின் சுவர்களைத் தாண்டி, கிருபை தன் எல்லையை ஆரம்பத்திலேயே விரித்துவிட்டது. இது கல்வாரிச் சிலுவையின் பிரம்மாண்டமான நிழல்! யூதனென்றும் கிரேக்கனென்றும் இனிப் பேதமில்லை; சமூகத்தால் விலக்கப்பட்டவர்களையும் புறக்கணிக்கப்பட்டவர்களையும் கொண்டுதான் தேவன் தம்முடைய நித்திய மாளிகையைக் கட்டுகிறார். தகுதியற்றவன் என்று உன்னை ஒருபோதும் ஒதுக்கிக் கொள்ளாதே; சிலுவையின் கிருபை சகல தடைகளையும் உடைத்து, உன்னையும் தேவ மகிமையின் ஆலயத்தில் பிரதான தூணாக நிறுத்தும்!

ஜெபம்:  தேவனே, என்னையும் உமது விலையேறப்பெற்ற இரத்தத்தால் உமது ஆலயத்தில் இணைத்துக்கொண்டதற்காக நன்றி. என்னை அரவணைத்த இதே நிபந்தனையற்ற கிருபையில் நான் என்றென்றும் நிலைத்திருக்கவும், அதை என் சகோதரர்களுக்கும் பகிரவும் எனக்குப் பெலன் தாரும். ஆமென்.