ஞாயிறு                            சரிந்த ராஜ மாதா!

14-06-2026

2 நாளாகமம் 15:1–19

எத்தியோப்பியரின் அசுரப் படையை வீழ்த்திய ஆசா, இப்போது தன் சொந்த அரண்மனைக்குள் ஒரு துணிகரமான போரைத் தொடங்குகிறான். தீர்க்கதரிசி அசரியாவின் வார்த்தைகள் அவனுள் அக்கினியை மூட்டுகின்றன. தேசத்து விக்கிரகங்களை வேரறுத்தவன், தன் சொந்த இரத்த உறவின் பாவத்தைக் கண்டும் பாராதவன்போல இருக்கவில்லை. தன் பாட்டியான மாக்காள் ஒரு அருவருப்பான விக்கிரகத்தை உருவாக்கியதைக் கண்டதும், அரசனுக்குப் பாசத்தை விடத் தேவனுடைய பரிசுத்தமே பெரிதாகப் பட்டது! சற்றும் தயங்காமல் அவளை ‘ராஜ மாதா’ பதவியிலிருந்து தூக்கியெறிகிறான்; அந்த விக்கிரகத்தை வெட்டிச் சுட்டெரிக்கிறான். பத்து லட்சம் எதிரிகளைப் போர்க்களத்தில் வீழ்த்துவதை விட, தன் வீட்டுக்குள் பதுங்கியிருக்கும் பாவத்தை வீழ்த்துவதே ஆகப்பெரிய பராக்கிரமம்! நாமும் நம் சொந்த இருதயத்திலும் குடும்பத்திலும் உள்ள அருவருப்புகளைப் ‘பாசம்’ அல்லது ‘பழக்கம்’ என்ற போர்வையில் பத்திரமாகக் காக்கிறோமா? உனக்குள் வேரூன்றியிருக்கும் ரகசியப் பாவங்களைச் சமரசமின்றி இன்றே சுட்டெரித்துவிடு; பரிசுத்த தேவன் உன்னைத் தூய ஆலயமாக்கி, மாபெரும் ஆவிக்குரிய எழுப்புதலின் கருவியாக உருமாற்றுவார்!

ஜெபம்: பரிசுத்த தேவனே, ‘பழக்கம்’ என்ற போர்வையில் எனக்குள் நான் பத்திரமாகக் காக்கும் ரகசியப் பாவங்களைச் சமரசமின்றிச் சுட்டெரிக்க எனக்குத் துணிவைத் தாரும். உமது கிருபையால் என்னை முற்றுமாய் சுத்திகரித்து, உம்முடைய இராஜ்ஜிய பணிக்காய் பயன்படுத்தியருளும். ஆமென்.